ಕಲರವ

Posts Tagged ‘papillon


ಸ್ವಾತಂತ್ರ್ಯದೆಡೆಗೆ ಮನುಷ್ಯನ ತುಡಿತ ಅದೆಷ್ಟು ಅದಮ್ಯವಾಗಿರುತ್ತದೆ ಎಂಬುದನ್ನು ತಿಳಿದುಕೊಳ್ಳಬೇಕಾದರೆ ತಮ್ಮದಲ್ಲದ ತಪ್ಪಿಗೆ ತಮ್ಮ ಸ್ವಾತಂತ್ರ್ಯವನ್ನು ಕಳೆದುಕೊಂಡು, ದಾಸ್ಯದಲ್ಲಿ ದಿನಗಳನ್ನು ದೂಡುತ್ತಾ, ಪ್ರಾಣದ ಹಂಗನ್ನೂ ತೊರೆದು ಸ್ವಾತಂತ್ರ್ಯ ದಕ್ಕಿಸಿಕೊಳ್ಳುವುದಕ್ಕಾಗಿ ನಡೆಸಿದ ಹೋರಾಟದ ಕಥನವನ್ನು ಕೇಳಬೇಕು.

ಭಾರತದ ಸ್ವಾತಂತ್ರ್ಯ ಸಂಗ್ರಾಮವೆನ್ನುವುದೇ ಮೈನವಿರೇಳಿಸುವ ಅದ್ಭುತ ಕಥಾನಕ. ಒಬ್ಬ ಧಿಂಗ್ರಾ, ಒಬ್ಬ ಭಗತ್ ಸಿಂಗ್, ಒಬ್ಬ ಆಜಾದ್, ಒಬ್ಬ ಸಾವರ್ಕರ್, ಒಬ್ಬ ಬೋಸ್, ಒಬ್ಬ ಗಾಂಧಿಯ ಜೀವನಗಾಥೆಯನ್ನು ಓದುತ್ತಾ ಹೋದಂತೆ ಇಡೀ ಭಾರತದ ಜನಮಾನಸದಲ್ಲಿ ಸ್ವಾತಂತ್ರ್ಯದೆಡೆಗೆ ಇದ್ದ ಹಂಬಲದ ತೀವ್ರತೆಯನ್ನು ಅಂದಾಜಿಸಲು ಸಾಧ್ಯವಾಗುತ್ತದೆ.

ಇನ್ನೆರಡು ಮಹಾಪಲಾಯನದ ಕಥೆಗಳಿವೆ. ದಾಸ್ಯದಿಂದ ತಮ್ಮ ಸ್ವಾತಂತ್ರ್ಯಕ್ಕಾಗಿ ಅಸಾಧ್ಯವೆನಿಸಿದ ಸಾಹಸವನ್ನು ಮಾಡಿ ಕಡೆಗೆ ಅದನ್ನು ದಕ್ಕಿಸಿಕೊಂಡಾವರ ಕಥೆ. ಕಮ್ಯುನಿಸ್ಟರ ಕೆಂಗಣಿಗೆ ಗುರಿಯಾಗಿ ಸೈಬಿರಿಯಾದ ಶ್ರಮ ಶಿಬಿರದಲ್ಲಿ ಬಂಧಿಯಾಗಿದ್ದ ಏಳು ಮಂದಿ ಸ್ವಾತಂತ್ರ್ಯದ ಕನಸನ್ನು ಅರಸಿಕೊಂಡು ಹೊರಡುತ್ತಾರೆ. ಶ್ರಮ ಶಿಬಿರದಲ್ಲಿನ ಯೋಧರ ಕಣ್ಗಾವಲನ್ನು ತಪ್ಪಿಸಿಕೊಂಡು ಹೊರಕ್ಕೆ ಪಾರಾಗುತ್ತಾರೆ. ಅವರೆದುರು ತೀರಾ ಅಸಾಧ್ಯವಾದ ಸವಾಲಿರುತ್ತದೆ. ಪ್ರಾಣವೆನ್ನುವುದು ಯಾವ ಕ್ಷಣದಲ್ಲಾದರೂ ತೊರೆದುಹೋಗಬಹುದಾದ ಅಪಾಯವಿರುತ್ತದೆ. ಆದರೆ ಸ್ವಾತಂತ್ರ್ಯದ ಗಮ್ಯದೆಡೆಗೆ ಅವರ ಹೆಜ್ಜೆಗಳು ಸ್ಪಷ್ಟವಾಗಿರುತ್ತವೆ. ಮೂಳೆಯನ್ನು ಕೊರೆಯುವಷ್ಟು ಛಳಿಯಿರುವ ಸೈಬೀರಿಯಾ, ಅತ್ಯುಗ್ರವಾದ ಗೋಬಿ ಮರುಭೂಮಿ, ಕಡಿದಾದ ಹಿಮಾಲಯದ ತಪ್ಪಲು ಸೇರಿದಂತೆ ಸುಮಾರು ನಾಲ್ಕು ಸಾವಿರ ಮೈಲುಗಳಷ್ಟು ಹಾದಿಯನ್ನು ಒಂದು ವರ್ಷಗಳ ಕಾಲ ಕ್ರಮಿಸಿ ಏಳು ಮಂದಿಯಲ್ಲಿ ನಾಲ್ಕು ಮಂದಿ ಜೀವಂತವಾಗಿ ಭಾರತಕ್ಕೆ ಬರುತ್ತಾರೆ. ತಮ್ಮ ಸ್ವಾತಂತ್ರ್ಯದ ಕನಸನ್ನು ನನಸಾಗಿಸಿಕೊಳ್ಳುತ್ತಾರೆ. ತಮ್ಮ ಸಾಹಸದ ಕಥನವನ್ನು ಸ್ಲಾವೋಮಿರ್ ರಾವಿಸ್ ‘ದಿ ಲಾಂಗ್ ವಾಕ್’ ಎಂಬ ಪುಸ್ತಕದಲ್ಲಿ ದಾಖಲಿಸಿದ್ದಾನೆ.

ಇನ್ನೊಂದು ಮಹಾ ಪಲಾಯನದ ಕಥಾನಕ ‘ಪ್ಯಾಪಿಲಾನ್’. ಫ್ರಾನ್ಸಿನ ಹೆನ್ರಿ ಛಾರೇರೆ ಬದುಕಿನ ಸಾಹಸ ಗಾಥೆ. ಇವೆರೆಡೂ ಪೂರ್ಣಚಂದ್ರ ತೇಜಸ್ವಿಯವರಿಂದ ಕನ್ನಡಕ್ಕೆ ಬಂದಿವೆ. ಅವರನ್ನು ಬಹು ಆಳವಾಗಿ ಕಲಕಿದ ಕೃತಿಗಳೂ ಆಗಿವೆ.


Blog Stats

  • 69,182 hits
ಅಕ್ಟೋಬರ್ 2021
ಸೋಮ ಮಂಗಳ ಬುಧ ಗುರು ‍ಶು ಶನಿ ಭಾನು
 123
45678910
11121314151617
18192021222324
25262728293031

Top Clicks

  • ಯಾವುದೂ ಇಲ್ಲ