ಕಲರವ

Archive for ಮೇ 15th, 2009

 

ಜಳಜಳನೆ ಹರಿವ ನೀರಿಗೆ ತಡೆ ಬೇಕಿರಲಿಲ್ಲ
ಗುರಿ ಕಡಲಾದರೂ
ಒಡಲಿಗೆ ತಂಪ ಕೊಡಬೇಕಿತ್ತು!

ಸ್ಪೂರ್ತಿ ನೀಡುವ ಪ್ರಕೃತಿಗೆ
ಬರ ಬೇಕಿರಲಿಲ್ಲ.
ಆಕಾಶ ಬರಿದಾಗಿದ್ದರೂ
ಇಳೆ ತುಂಬಾ ಹಸಿರಿರಬೇಕಿತ್ತು!

spring

ಕನಸ ಮಾರುವ ಹುಡುಗಿಗೆ
ಅಳು ಬೇಕಿರಲಿಲ್ಲ.
ಕಣ್ತುಂಬಾ ಕತ್ತಲಿದ್ದರೂ
ಮನದ ತುಂಬಾ ಬೆಳಕಿರಬೇಕಿತ್ತು!

ಆಘಾತ ಕಂಡ ಮನಸಿಗೆ ಪದೇ ಪದೇ
ನೋವು ಬೇಕಿರಲಿಲ್ಲ.
ಸುಖವಿಲ್ಲದಿದ್ದರೂ
ನಿರಾಶೆಯ ತಡೆವ ಹೃದಯವಿರಬೇಕಿತ್ತು!

ಲವಲವಿಕೆಯ ಜೀವಕೆ
ಸತ್ಯ ಕಂಡಿರಲಿಲ್ಲ
ಸಾವು ಖಂಡಿತವಾದರೂ
ಬದುಕನ್ನು ಪ್ರೀತಿಸುವ ಕಲೆ ಗೊತ್ತಿರಬೇಕಿತ್ತು!

-ನವಿತಾ.ಎಸ್, ಸಾಗರ


Blog Stats

  • 68,990 hits
ಮೇ 2009
ಸೋಮ ಮಂಗಳ ಬುಧ ಗುರು ‍ಶು ಶನಿ ಭಾನು
 123
45678910
11121314151617
18192021222324
25262728293031

Top Clicks

  • ಯಾವುದೂ ಇಲ್ಲ